ელექტროფიზიოლოგიური კვლევები

თვალში მოხვედრილი სინათლე ბადურა გარსზე გარდაიქმნება ელექტროენერგიად, რომელიც მხედველობის ნერვის და მხედველობის გამტარი გზების გავლით ვრცელდება მხედველობის ცენტრალურ ანალიზატორამდე - ქერქამდე. „დიოფსისის“ მხედველობით გამოწვეული პოტენციალების ტესტი ზომავს ელექტრული იმპულსის გატარების სიჩქარეს და ძალას. შესაბამისად, მთლიანი მხედველობის სისტემის ელექტრულ აქტივობას - ბადურა გარსიდან ქერქამდე, რაც საშუალებას გვაძლევს დავადგინოთ რამდენად მყარია კავშირი თვალებსა და თავის ტვინს შორის, რომელიც იცვლება მხედველობის გამტარი გზების პათოლოგიის დროს. 

ელექტრორეტინოგრაფია გამოიყენება ბადურა გარსის ფუნქციური მდგომარეობის ობიექტური განსაზღვრისთვის. სინათლე, თვალში მოხვედრისას, გარდაიქმნება ელექტროენერგიად ბადურა გარსის უჯრედების მეშვეობით. ელექტრორეტინოგრაფია საშუალებას გვაძლევს დავადგინოთ თუ რამდენად სრულფასოვანია ბადურა გარსის უჯრედების ელექტრული გარდაქმნის პასუხი, რაც გვეხმარება მხედველობის დაქვეითებით მიმდინარე მრავალი დაავადების დიაგნოსტიკასა და მკურნალობაში.