ორთოპედიისა და ტრავმატოლოგიის ცენტრი

ნიუ ჰოსპიტალსის ორთოპედიისა და ტრავმატოლოგიის ცენტრი სრულად შეესაბამება მსოფლიო სამედიცინო სტანდარტებს და სპეციალიზირებულია საყრდენ-მამოძრავებელი სისტემის მწვავე, ქრონიკული, თანდაყოლილი და შეძენილი დაავადებების დიაგნოსტიკაზე, კონსერვატიული და ოპერაციული მკურნალობის მეთოდებსა და პაციენტების პოსტოპერაციულ რეაბილიტაციაზე.

ორთოპედიისა და ტრავმატოლოგიის ცენტრს ევროპული გამოცდილების მქონე ექიმები ხელმძღვანელობენ. ისინი მრავალი წელია ევროპის სხადასხვა კლინიკებში მოღვაწეობენ და მსოფლიოს წამყვან ქვეყნებში გავრცელებულ, თანამედროვე, კონსერვატიულ და ოპერაციული მკურნალობის მეთოდებს ფლობენ.

ნიუ ჰოსპიტალსის ორთოპედიისა და ტრავმატოლოგიის ცენტრი 24 საათის განმავლობაში უზრუნველყოფს გადაუდებელი ტრავმატოლოგიური დახმარების სერვისს და ორთოპედიულ ოპერაციებს. ოსტეოსინთეზისა და ენდოპროთეზირებისთვის მხოლოდ საერთაშორისოდ აღიარებული, ევროპული და აშშ მწარმოებლების მიერ მოწოდებული მასალა გამოიყენება.

დიაგნოსტიკა და მკურნალობა

ორთოპედიული და ტრავმატოლოგიური დაავადებების დიაგნოსტიკისა და მკურნალობისთვის ნიუ ჰოსპიტალსი აღჭურვილია ექოსკოპიის, რენტგენის, კომპიუტერული ტომოგრაფიისა (CT) დამაგნიტურ–რეზონანსული ტომოგრაფიის (MRI) ულტრათანამედროვე აპარატურით.

ფიზიოთერაპია და რეაბილიტაცია

ოპერაციის შემდგომ პერიოდში პაციენტები გადიან ინდივიდუალურ ფიზიოთერაპიის/რეაბილიტაციის მათთვის შესაბამის კურსს. რეაბილიტაცია მნიშვნელოვანია ოპერაციის შემდეგ პაციენტების სწრაფი და უმტკივნეულო მობილიზაციისთვის.

სერვისები

24 საათიანი მომსახურება
ენდოპროთეზირება
ართროპლასტიკა / პროთეზირება
მინი-ინვაზიური პროცედურები
ართროსკოპია
მოტეხილობების ოპერაციული მკურნალობა - ოსტეოსინთეზი
შიდა ფიქსაცია
გარე ფიქსაცია
ძვლის ტრანსპლანტაცია
ოპერაციები მყესებზე
მაკორეგირებელი ოსტეოტომია
ართროდეზი
იოგოვანი აპარატის რეკონსტრუქცია
რბილი ქსოვილების რეკონსტრქუცია
ვაკუუმ თერაპია ღია მოტეხილობების, რბილი ქსოვილების დეფექტების და ინფექციების არსებობის დროს (VAC- Therapy - vacuum assisted closure-therapy, negative pressure wound therapy)
სახსარშიდა ინექციები
ნაწოლების ქირურგიული მკურნალობა
ფიზიოთერაპია
რეაბილიტაცია
ამპუტაცია

როდის უნდა მიმართოთ ნიუ ჰოსპიტალსის ორთოპედიისა და ტრავმატოლოგიის ცენტრს

ნიუ ჰოსპიტალსის ორთოპედიისა და ტრავმატოლოგიის ცენტრის მომსახურების სფეროები მოიცავს მოტეხილობებს, პოსტტრავმულ დეფორმაციებს, არასწორად შეხორცებულ მოტეხილობებს, ართროზებს, ცრუ სახსარს (ფსევდოართროზებს), რბილი ქსოვილის დაზიანებებს, საყრდენ-მამოძრავებელი სისტემის პოსტტრავმულ და იმპლანტატასოცირებულ (იმპლანტებით გამოწვეულ) ინფექციებს.